A convivencia nos centros
escolares. Apuntamentos para a reflexión
A convivencia nos centros educativos é un tema de enorme
extensión e calado que non se pode abordar con pretensións nin de
esgotalo nin de dicir algo indiscutible. Os apuntamentos que
ofrecemos son, en todo caso, un exercicio de reflexión
profesional parcial que agardamos que sexan de utilidade.
Non
estaría mal recordar que empezou a ser un tema de altísima
preocupación político-mediática cando empezou a
poñerse en práctica a LOXSE, por motivos moi variados, pero
seguramente pola confluencia do interese da dereita de
desprestixiala co malestar dun profesorado de secundaria que se
tiña que encontrar nas aulas cun alumnado en idade adolescente
sen selección previa, que era a que establecía o Bacharelato
dende os 14 anos... (Ler máis)
ACTIVIDADES DE FORMACIÓN
XXIX Encontro galego- portugués de
Educadoras/es pola Paz: "Convivencia e benestar para o século
XXI: Experiencias e recursos" Chantada, 24, 25 e 26 de abril de 2015. Neste Encontro
afondaremos en innovadoras perspectivas, ferramentas e
dinámicas educativas dirixidas á consecución dun benestar común
óptimo, libre das múltiples expresións da violencia. Entre
outras temáticas abordaremos: a titoría entre iguais, planos de
convivencia escolar, o fomento das redes locais de resposta
social de base, a colaboración intersectorial, o sociodrama, as
prácticas restaurativas, a música, a danza e a creación
artística e literaria.
A actividade está homologada pola Consellería de Educación e
OU. Toda a informaciónaquí.
VI Seminario sobre a memoria: "O exilio, a muller e a guerrilla: O
Gardarríos" Rianxo, Ourol, O Vicedo, Viveiro, Mondoñedo e
Lourenzá, 8, 9 e 10 de maio de 2015. Constitúe, globalmente, unha
proposta didáctica para a reconstrución da memoria histórica no
contexto escolar. Polo tanto, preténdese suxerirlles aos
asistentes unha reflexión sobre o fenómeno do exilio, a muller
e a guerrilla antifranquista que posibilite un mellor
coñecemento do noso pasado máis recente. Tal pretensión arela
provocar tamén que a actualización dos coñecementos sobre o
exilio, a muller e a guerrilla antifranquista contribúa, no
alumnado indirectamente beneficiario da reflexión, á comprensión
do presente e á adopción dunha actitude responsable e solidaria
na defensa da liberdade, sen perder nunca a consciencia de
cales son os dereitos e as obrigacións de cadaquén.
A actividade estará homologada
con 20 horas de formación para o profesorado.
As prazas son limitadas. Toda a información aquí.
ACTIVIDADES REALIZADAS
O VIII Encontro de debate sobre o medio
rural... Celebrouse en Samos os días 7 e
8 de marzo cun gran éxito de participación. Para os/as que non
puidemos asistir, tiveron a ben deixarnos unhas conclusións que
podemos veraquí.
O VI Seminario-Obradoiro de Avaliación de
materiais didácticos... Celebrouse en Vedra os días
20, 21 e 22 de febreiro baixo o título "A educación
e os materiais didácticos en Finlandia: Que podemos
aprender?"
Deu moito que falar e foi todo un éxito.
Non deixedes de seguir toda a información que vai incluíndo a
organización do seminario no web da actividade.
REVISTA GALEGA DE EDUCACIÓN
A piques de saír á rúa o novo
número da Revista Galega de Educación! Toda a información aquí.
ACONTECEMENTOS
O
pasado 16 de marzo o profesor Michael Apple estivo na Coruña
con motivo do seu nomeamento como Dr. Honoris Causa.
Aproveitamos para entregarlle a separata coa entrevista
realizada por Antía González Ben e que se incluíu no nº 60 da Revista Galega de
Educación.
O 28
de febreiro foi o nomeamento do director da Revista Galega de
Educación, Xesús Rodríguez, como colexiado de honra
do Colexio de Educadoras e Educadores Sociais de Galicia
(CEESG). Alí estivemos para acompañalo.
